Tramp Putinlə telefon danışığı barədə ukraynalı həmkarını məlumatlandırıb
ABŞ prezidenti Donald Tramp və Ukrayna prezidenti Vlodimir Zelenski arasında telefon danışığı baş tutub.
Crossmedia.az xarici mediaya istinadən xəbər verir ki, bu barədə Tramp “Truth” sosial hesabında yazıb.
Onun sözlərinə görə, təxminən bir saat davam edən telefon danışığı əsasən Rusiya prezidenti Vladimir Putinlə əvvəlki müzakirələrə əsaslanıb.
Tramp bildirib ki, söhbət zamanı Ukrayna və Rusiyanın istək və ehtiyaclarının uyğunlaşdırılması məsələləri müzakirə olunub.
O, həmçinin ABŞ dövlət katibi Marko Rubio və milli təhlükəsizlik müşaviri Mayk Uoltsdan müzakirə edilən məsələlərlə bağlı dəqiq təsvir hazırlamalarını istəyib.
“Müvafiq bəyanat yaxın vaxtlarda dərc olunacaq”, – deyə Tramp əlavə edib.
Danışığın detalları və ABŞ administrasiyasının rəsmi mövqeyi ilə bağlı açıqlamanın tezliklə yayılacağı gözlənilir.
20:56 19.03.2025
Oxunuş sayı: 1068
