Özbəkistanın su təsərrüfatı naziri: "Əfqanıstanın da Amudərya suyunda haqqı var"
Özbəkistanın su təsərrüfatı naziri Şavkat Xamrayev Taliban hökumətinin inşa etdiyi Qoş-Təpə (Kuştəpə) kanalı ilə bağlı açıqlama verib.
Crossmedia.az xəbər verir ki, bu barədə xarici KİV məlumat yayıb.
Belə ki, o, martın 18-də ictimaiyyət və media nümayəndələri ilə görüşündə Əfqanıstanın da Amudəryadan su götürmək haqqına malik olduğunu bildirib.
"Biz nə etməliyik? Silaha sarılıb müharibəyəmi getməliyik? Xeyr. Biz əlaqələr qururuq, dialoq aparırıq, qohumluq əlaqələrini qoruyuruq. Əfqanlara öz su paylarını necə götürməli olduqlarını izah edəcəyik. Bunun üçün sənədlər, danışıqlar və işgüzar səfərlər olacaq",–deyə nazir vurğulayıb.
Qeyd edək ki, Taliban hərəkatı Rusiya və bir sıra digər ölkələrdə terror təşkilatı kimi tanınır və qadağan edilib.
Fatimə Məmmədova
19:55 19.03.2025
Oxunuş sayı: 13647
