Bu ölkələr Ukrayna üçün 12 milyard dollar ayırıb
İsveç, Norveç və Danimarka 2025-ci ildə Ukraynanın dəstəklənməsi üçün ümumilikdə təxminən 12 milyard dollar ayırıb.
Crossmedia.az xarici mənbəyə istinadən xəbər verir ki, Norveç hökuməti martın 6-da Ukraynaya yardımı 4,7 milyard dollar artırdığını açıqlayıb. Bununla da 2025-ci ildə Oslonun dəstəyinin ümumi məbləği 8 milyard dollar təşkil edəcək. Norveçin 2022-2030-cu illərdə Ukraynaya yardım üçün nəzərdə tutduğu ümumi vəsait 20 milyard dollardır. Artıq müharibənin başlanğıcından bu günə qədər 5,3 milyard dollar yardım edilib.
Danimarka da Ukraynaya uzunmüddətli dəstək proqramı çərçivəsində 2025-ci ildə Kiyevə hərbi yardım üçün 1,35 milyard dollar ayırıb. Müharibənin əvvəlindən bəri Danimarkanın Ukraynaya ümumi dəstəyi 7,5 milyard dollara çatıb.
İsveç hökuməti isə 2024-2026-cı illər üçün Kiyevə 7,5 milyard dollar məbləğində hərbi yardım planını təsdiqləyib. Hər il bu məbləğin üçdə biri ayrılacaq və 2025-ci ildə dəstək 2,5 milyard dollar təşkil edəcək. Müharibənin başlanğıcından indiyədək Stokholm Ukraynaya 7,32 milyard dollar yardım edib ki, bunun 6,19 milyard dolları hərbi xərclərə yönəldilib.
05:37 20.03.2025
Oxunuş sayı: 8877
