Gündəm
Ermənistan XİN: “Azərbaycanla sülh sazişi çox yaxındır”
Ermənistan xarici işlər nazirinin müavini Paruyr Hovhannisyan Azərbaycanla sülh sazişinin çox yaxın olduğunu deyib.
Crossmedia.az xəbər verir ki, o, bu barədə xarici KİV-ə müsahibəsində bildirib.
“Həqiqətən də çox yaxın olduğumuz sülh sazişinin tamamlanmasına, müsbət dinamikaya malik delimitasiya prosesinin irəliləməsinə və kommunikasiyaların açılmasına yanaşmalarımız konstruktivdir. Səylərimiz davamlı sülhə yönəlib”, - o bildirib.
Nazir müavininin sözlərinə görə, Ermənistan Azərbaycanla münasibətlərin normallaşdırılması səylərini davam etdirir:
“İki ölkə arasında sülh sazişinin hazırlanması prosesində də müsbət dinamika müşahidə olunur. Bu prosesi dəstəkləmək üçün bütün tərəfdaşlarla iş davam edir. Əlbəttə, biz nəticə əldə edəcəyimizə inanmalıyıq”.
14:08 04.02.2025
Oxunuş sayı: 3349
