Cəmiyyət
Bakı metrosunun 27 stansiyası ürək ritmini bərpa edən cihazlarla təchiz ediləcək
Bakı Metropoliteninin stansiyalarında avtomatik xarici defibrilyatorların (AED) quraşdırılması ilə bağlı tender prosesi keçirilib və hazırda işlər son mərhələdədir.
Crossmedia.az xəbər verir ki, bu barədə qurumdan Oxu.az-a bildirilib.
Qeyd olunub ki, Bakı Metropoliteninin 27 stansiyası AED cihazları ilə təmin olunacaq və digər müvafiq və zəruri tədbirlər görüləcək.
Məlumat üçün bildirək ki, avtomatik xarici defibrilyatorlar (AED) ürəyin qəfil dayanması (klinik ölüm) zamanı həyat qurtarmaq üçün nəzərdə tutulmuş, ürəyə elektroşok verərək onun normal ritmini bərpa edən portativ tibbi cihazdır.
20:02 27.10.2026
Oxunuş sayı: 58
