Müharibə bitir?: “Xalq Zelenskini cəzalandıra bilər”
ABŞ Prezidenti Donald Tramp və Rusiya Prezidenti Vladimir Putin yaxın zamanda münaqişənin dayandırılması üçün mühüm addımlar ata bilər. Bu barədə xarici KİV məlumat yayıb. Tramp bildirib ki, o və Putin müharibənin sona çatması üçün ciddi qərarlar üzərində düşünürlər:
"Biz danışacağıq və bəlkə də çox əhəmiyyətli bir şey edəcəyik. Biz bu müharibəni bitirmək istəyirik. Əgər mən prezident olsaydım, bu müharibə heç vaxt başlamazdı".
Tramp bundan əvvəl Tramp Rusiya prezidenti ilə mümkün əlaqələri şərh etməkdən imtina etsə də, bu istiqamətdə "işlərin yaxşı getdiyini" vurğulayıb.
Rusiya- Ukrayna müharibəsi qlobal xarakter daşıyır. Bu o deməkdir ki, indi Şərqi Avropada baş verməkdə olan hadisələr bütün dünyanı maraqlandırır. Odur ki, “bütün dünya gözünü Trampa dikib” desək, yəqin, yanılmarıq. Tramp dediyini yerinə yetirib, müharibəni bitirə biləcəkmi? Yoxsa, tarixə uğursuz siyasətçi kimi düşəcək? Əlbəttə, bu, təkcə ondan asılı deyil. Rusiya və Ukrayna liderlərinin danışıqlara razı olması həm də onların özləri ilə bağlıdır.
Müharibənin mümkün nəticəsi barədə Crossmedia.az-a danışan hərbi ekspert Ramil Məmmədlinin fikrincə, indiki məqamda nə Rusiya, nə də Qərb geri addım atmaq istəyir: “Trampın tərəfləri danışıqlar masası arxasına otuzdurmaq niyyəti, əlbəttə, siyasi iradənin təzahürüdür. Əgər atəşkəs əldə edils, mövcud problemlər xeyli dərəcədə həllini tapmış olar. Bunun üçün hər iki tərəfdən güzəşt tələb olunur”.
Ekspert söyləyib ki, Ukrayna birdəfəlik ərazi güzəştinə razı olmaz: “Bu, Prezident Volodimir Zelenskinin və onun komandasının aqibətinin pis olması ilə nəticələnə bilər. Xalq onları cəzalandırar. Amma müvəqqəti xarakterli addımların atılması mümkündür”.
R.Məmmədlinin sözlərin görə, indi Qərb Rusiyanı təzyiq altında saxlamaq istəyir: Dediyim kimi, Ukrayna indiki məqamda ərazi güzəştinə getməyəcək. Amma perspektivdə Rusiya hücumu genişləndirər və daha böyük əraziləri tutarsa, onda Kiyev təsim ola bilər. Ukraynanın əks- hücum əməliyyatlarını intensivləşdirməsi də məhz bu ssenarinin qarşısıı almağa hesablanıb. Əslində müharibənin ilk üç ayında sülh nail olmaq mümkün idi. O vaxt indi işğal altında təxminən 70 min kvadrt kilometrlik ərazi Ukraynanın nəzarətində idi. Buna baxmayaraq, rəsmi Kiyev o zaman şəraiti düzgün qiymətləndirə bilərdi”.
Kənan Novruzov
16:40 03.02.2025
Oxunuş sayı: 696
