Şəmkirdə abortdan sonra ölən qadınla bağlı yeni detallar
Şəmkirdə qadının abortdan sonra dünyasını dəyişməsi ilə bağlı rəsmi açıqlama verilib.
Crossmedia.az xəbər verir ki, Tibbi Ərazi Bölmələrini İdarəetmə Birliyindən (TƏBİB) bildirilib ki, noyabrın 20-də saat 13 radələrində 1991-ci il təvəllüdlü qadın ağır vəziyyətdə Şəmkir Rayon Mərkəzi Xəstəxanasına çatdırılıb.
Xəstəxanaya daxil olarkən onun nəbzi və arterial təzyiqi müəyyən edilməyib. Aparılan bütün reanimasiya tədbirlərinə baxmayaraq, qadının həyatını xilas etmək mümkün olmayıb.
Hadisə ilə bağlı araşdırma aparılır. Araşdırmanın nəticələri barədə ictimaiyyətə məlumat veriləcək.(Oxu.az)
13:30
Şəmkirdə abortdan sonra qeydə alınan ölüm hadisəsi ilə bağlı bəzi təfərrüat məlum olub.
Crossmedia.az xəbər verir ki, mərhum, 1991-ci il təvəllüdlü Yeganə Əhmədovanın yaxınları bildiriblər ki, abort rayonda fəaliyyət göstərən özəl "Şans" klinikasında olub. Lakin kəskin qanaxma baş verib və qarşısını almaq mümkün olmadığı üçün xəstə ağır halda Şəmkir Rayon Mərkəzi Xəstəxanasına çatdırılıb. Lakin qadının həyatını xilas etmək mümkün olmayıb.
Xatırladaq ki, bu, mərhumun 3-cü hamiləliyi olub. O, iki uşaq anası idi.
Faktla bağlı Şəmkir Rayon Prokurorluğunda araşdırma aparılır.(Oxu.az)
02:00
Şəmkir rayonunda hamilə qadın abort zamanı vəfat edib.
Crossmedia.az xəbər verir ki, hadisə Şəmkir Rayon Mərkəzi Xəstəxanasında baş verib.
Belə ki, abort etdirmək üçün xəstəxanaya müraciət edən 1991-ci il təvəllüdlü Y.Əhmədovanın prosedur zamanı səhhətində problem yaranıb və o, həyatını itirib.
Mərhumun meyiti ölüm səbəbinin müəyyənləşdirilməsi üçün məhkəmə-tibbi ekspertizaya təhvil verilib.
Faktla bağlı araşdırma aparılır.
Qeyd edək ki, bu, qadının üçüncü hamiləliyi olub. Onun iki azyaşlı övladı qalıb.(Oxu.az)
14:24 21.11.2026
Oxunuş sayı: 56