İran ABŞ-nin daha bir hərbi dronunu vurduğunu açıqlayıb
İran İslam İnqilabı Keşikçiləri Korpusu (SEPAH) ABŞ-yə məxsus MQ-9 tipli hərbi pilotsuz uçuş aparatının (PUA) Hörmüz boğazı üzərində vurularaq məhv edildiyini açıqlayıb.
Crossmedia.az xəbər verir ki, “Tasnim” xəbər agentliyi bu barədə məlumat yayıb.
Agentliyin noyabrın 21-də səhər saatlarında yaydığı məlumata görə, ABŞ-yə məxsus PUA SEPAH-ın Aerokosmik Qüvvələrinin hava hücumundan müdafiə sistemi tərəfindən aşkarlanaraq izlənilib.
Bildirilib ki, pilotsuz uçuş aparatı müasir hava hücumundan müdafiə sistemi vasitəsilə hədəfə alınaraq məhv edilib.
SEPAH-ın açıqlamasına əsasən, bu, İran qüvvələrinin vurduğunu iddia etdiyi ABŞ-yə məxsus 58-ci MQ-9 tipli pilotsuz uçuş aparatıdır.
Hadisə Hörmüz boğazında ABŞ və İran arasında hərbi gərginliyin davam etdiyi bir vaxtda baş verib.
ABŞ tərəfinin dronun vurulması ilə bağlı rəsmi təsdiqi barədə məlumat yoxdur.
13:36 21.11.2026
Oxunuş sayı: 48