Maşın almaq üçün kredit götürdü, pulunu köhnə tanışı oğurladı
Bakının Binəqədi rayonunda avtomobil almaq üçün bankdan kredit götürən şəxsin evindən 4000 manat oğurlanıb.
Crossmedia.az xəbər verir ki, Daxili İşlər Nazirliyinin Mətbuat Xidməti bu barədə məlumat yayıb.
Bildirilib ki, zərərçəkən bir müddət əvvəl avtomobil almaq məqsədilə banklardan birindən 4000 manat kredit götürərək pulu yaşadığı evə gətirib.
Lakin evdə olmadığı vaxt həmin məbləğin oğurlandığını müəyyən edib və polisə müraciət edib.
Binəqədi Rayon Polis İdarəsinin əməkdaşlarının keçirdikləri tədbirlər nəticəsində oğurluqda şübhəli bilinən N.Qədirli müəyyən edilərək saxlanılıb.
Məlum olub ki, saxlanılan şəxs zərərçəkənin köhnə tanışıdır və əvvəllər oğurluqla bağlı cinayətə görə məhkum olunub.
Faktla bağlı araşdırma aparılır.
13:32 21.11.2026
Oxunuş sayı: 46