Zelenski Almaniya kansleri ilə görüşmək üçün Berlinə gəlib
Ukrayna Prezidenti Volodimir Zelenski Almaniya kansleri Fridrix Mertslə danışıqlar aparmaq üçün Berlinə səfər edib.
Crossmedia.az xəbər verir ki, “Reuters” agentliyi bu barədə məlumat yayıb.
Bildirilib ki, noyabrın 3-də baş tutan səfər təhlükəsizlik səbəbindən əvvəlcədən elan edilməyib.
Almaniya kansleri Fridrix Merts Zelenski ilə görüşün Ukraynaya dəstəyin davam etdirilməsi baxımından əhəmiyyətli olduğunu vurğulayıb.
Danışıqlarda Rusiya-Ukrayna müharibəsinin dayandırılması, təhlükəsizlik təminatları və Ukraynaya göstərilən hərbi yardım məsələlərinin müzakirəsi nəzərdə tutulur.
Səfər ABŞ-nin vasitəçiliyi ilə noyabrın 10–11-də Əbu-Dabidə keçirilməsi planlaşdırılan Rusiya-Ukrayna danışıqları ərəfəsində baş tutub.
15:15 03.11.2026
Oxunuş sayı: 61
