Xarici xəbərlər

ABŞ İranın Hörmüz boğazı ilə bağlı iddiasını rədd edib

ABŞ Mərkəzi Komandanlığı İranın Hörmüz boğazına tam nəzarət etdiyi barədə açıqlamasını təkzib edib.

Crossmedia.az xəbər verir ki, ABŞ Mərkəzi Komandanlığı bu barədə “X” sosial şəbəkəsində məlumat yayıb.

CENTCOM İran İnqilab Keşikçiləri Korpusunun yüksək rütbəli komandirlərindən birinin Hörmüz boğazının İranın hərbi-dəniz qüvvələrinin nəzarətində olduğu barədə açıqlamasını yalan adlandırıb.

ABŞ tərəfi bildirib ki, son aylarda minlərlə gəmi Hörmüz boğazından keçib və bu gəmilər vasitəsilə 1 milyard bareldən çox neft daşınıb. CENTCOM bunu İranın boğaza tam nəzarət etmədiyinə dair sübut kimi təqdim edib.

İranın Hörmüz boğazının açılması ilə bağlı mövqeyinə dair daha əvvəl açıqlanan şərtlər arasında ABŞ-nin hərbi təzyiqi və blokadanı azaltması da yer alıb.

Mövzular:

ABŞ İran İran İnqilab Keşikçiləri Korpusu Hörmüz boğazı ABŞ Mərkəzi Komandanlığı neft

🖨 Çap et

18:57 28.09.2026

Oxunuş sayı: 35