Xarici xəbərlər

İranın milli valyutası dəyər itirir: dollar 240 min tümənə yüksəldi

İranda sərbəst valyuta bazarında dolların məzənnəsi yeni rekord səviyyəyə yüksəlib.

Crossmedia.az xəbər verir ki, ölkədə sərbəst dövriyyədə olan valyuta məzənnələrini izləyən “pashizi.com” saytının məlumatına görə, dolların satış qiyməti 240 min tümənə çatıb. Bununla da İran milli valyutası dollar qarşısında tarixinin ən aşağı səviyyəsinə enib.

Tümənin kəskin ucuzlaşması ABŞ-ın ağır sanksiyaları ilə üzləşən İranda inflyasiyanın yüksək olduğu bir dövrdə baş verib. Ölkədə illik inflyasiya göstəricisinin 61,4 faizə yüksəldiyi bildirilir.

Rəsmi statistikaya əsasən, ərzaq məhsullarının qiymətlərində illik artım 128,1 faiz təşkil edib. İqtisadi təzyiqlər fonunda valyuta bazarında yaranan dalğalanmalar ölkədə qiymət artımlarını daha da gücləndirib.

Mövzular:

İran iqtisadiyyatı İran valyutası tümən dollar məzənnəsi

🖨 Çap et

14:08 28.09.2026

Oxunuş sayı: 42