Xarici xəbərlər

Sergey Lavrov Xameneinin öldürülməsini güc diktəsinin təzahürü adlandırıb

Rusiya xarici işlər naziri Sergey Lavrov İranın ali lideri Ayətullah Əli Xameneinin öldürülməsini güc diktəsinin qəbuledilməz təzahürü adlandırıb.

Crossmedia.az xəbər verir ki, “TASS” bu barədə məlumat yayıb.

Lavrov bu fikirləri BMT Baş Assambleyasının 81-ci sessiyasının ümumi siyasi müzakirəsində çıxışı zamanı səsləndirib.

Onun sözlərinə görə, Rusiya Xameneinin ailə üzvlərinin, eləcə də İran İslam Respublikasının hərbi və siyasi rəhbərliyinin nümayəndələrinin öldürülməsini də qəbuledilməz hesab edir.

“İranın ali rəhbəri Ayətullah Əli Xameneinin, onun ailə üzvlərinin, İslam Respublikasının hərbi və siyasi rəhbərliyinin nümayəndələrinin öldürülməsini güc diktəsinin qəbuledilməz təzahürü hesab edirik”, – Lavrov bildirib.

Daha əvvəl Lavrov BMT tribunasından Venesuela Prezidenti Nikolas Maduronun azad edilməsini tələb edib. O, bu ilin əvvəlində istənilən norma, o cümlədən mənəvi normalar pozularaq ABŞ-nin Venesuelaya müdaxiləsinin Maduro və onun həyat yoldaşının ələ keçirilməsi və məhkəməsiz şəkildə ABŞ həbsxanasında saxlanılması ilə nəticələndiyini bildirib.

Mövzular:

BMT ABŞ İran ABŞ həbsxanası İranın ali lideri Ayətullah Əli Xamenein Rusiya xarici işlər naziri Sergey Lavrov

🖨 Çap et

21:07 26.09.2026

Oxunuş sayı: 42