Xarici xəbərlər

15 yaşlı yeniyetmə Berinq dənizində iki gün möcüzəvi şəkildə sağ qaldı

15 yaşlı yeniyetmə Alyaskanın Berinq dənizində çevrilmiş qayığın üzərində təxminən iki gün sağ qalaraq sentyabrın 7-də xilas edilib. O, böyük qardaşı və əmisi oğlu ilə birlikdə balıq ovuna çıxıb.

Crossmedia.az xəbər verir ki, ABŞ Sahil Mühafizəsinin hava ekipajı çevrilmiş qayığı dənizdə aşkarlayıb. Ekipaj yeniyetmənin sağ qalmasına kömək etmək üçün qayığa yaxın əraziyə xüsusi xilasetmə avadanlıqları atıb.

Daha sonra yaxınlıqda olan başqa bir qayıq yeniyetməni sudan götürərək təhlükəsiz yerə çatdırıb. Uzun müddət soyuq suda və sərt hava şəraitində qalan yeniyetmədə hipotermiya əlamətləri müşahidə olunub.

Xilasetmə əməliyyatı zamanı onun böyük qardaşı və əmisi oğlunun cəsədləri də aşkarlanıb. Hadisənin digər təfərrüatları və qayığın hansı səbəbdən çevrildiyi barədə məlumat verilməyib.

Mövzular:

15 yaşlı yeniyetmə Berinq dənizi ABŞ Sahil Mühafizəsi ABŞ Xilasetmə əməliyyatı Ekipaj

🖨 Çap et

19:08 12.09.2026

Oxunuş sayı: 60