Xarici xəbərlər
Rostovda gecəyarısı PUA hücumu baş verdi
Rostovda pilotsuz uçuş aparatlarının (PUA) hücumu nəticəsində iki çoxmənzilli yaşayış binası zədələnib, bir uşaq yaralanaraq xəstəxanaya yerləşdirilib.
Crossmedia.az xəbər verir ki, Rostov vilayətinin qubernatoru Yuri Slyusar bu barədə məlumat yayıb.
Məlumata görə, hadisə sentyabrın 6-da səhər saatlarında Rostovun Sovetski rayonunda baş verib. Hücum nəticəsində iki çoxmənzilli binaya ziyan dəyib.
Yaralanan oğlan xəstəxanaya yerləşdirilib və ona tibbi yardım göstərilir. Zədələnmiş binaların sakinləri təxliyə olunub.
Binalardan birinin yuxarı mərtəbələri, digərinin isə dam örtüyü və şüşələri zədələnib. Hadisə yerində fövqəladə xidmətlər işləyir. Rostovun Leninski rayonunda da bir mənzil və yaşayış binasının pəncərələri zədələnib. Bu hadisə nəticəsində xəsarət alan olmayıb.
09:03 06.09.2026
Oxunuş sayı: 50
