Rusiyada büdcə gəlirləri: neft asılılığı dəyişir
Rusiyanın federal büdcəsində neft-qaz gəlirlərinin payının son 10 ildə 50 faizdən 20 faizdən aşağı düşməsi ölkənin neft asılılığından tam qurtulduğu anlamına gəlmir.
Crossmedia.az xəbər verir ki, “Forbes”də iqtisadçı və NEFT Research şirkətinin xarici kommunikasiyalar direktoru Dmitri Prokofyevin məqaləsi yayımlanıb.
Prokofyev hesab edir ki, Rusiyada neft asılılığının forması dəyişib və büdcə gəlirləri artıq artan daxili vergi yükündən daha çox asılı vəziyyətə düşüb. Onun sözlərinə görə, bu yük artıq kritik həddə yaxınlaşır.
Yanvar-iyul aylarında Rusiyanın neft-qaz gəlirləri 4,595 trilyon rubl təşkil edib. Bu, ötən ilin eyni dövrü ilə müqayisədə 16,8 faiz azdır və illik planın yalnız 51,5 faizinə bərabərdir.
Gəlirlərin azalmasının əsas səbəblərindən biri Urals markalı neftə tətbiq olunan yüksək diskontdur. Prokofyevin hesablamalarına görə, bir barelə 10 dollar endirim büdcəyə il ərzində 1,35 trilyon rubladək itki verə bilər.
Bununla yanaşı, neft şirkətlərinə ödənilən dempfer kompensasiyalarının neft-qaz gəlirlərindəki payı 2025-ci ildəki orta hesabla 10 faizdən 28 faizə yüksəlib.
İqtisadçı Rusiyanın maliyyə naziri Anton Siluanovun bütün xərclərin maliyyə resursları ilə təmin edildiyi barədə açıqlamasını mübahisələndirmir. Lakin onun fikrincə, xərclərin maliyyələşdirilməsi gəlirlərin artması hesabına deyil, büdcə kəsirinin maliyyələşdirilməsi üçün yeni imkanların tapılması hesabına mümkün olur.
15:17 28.08.2026
Oxunuş sayı: 45
