Xarici xəbərlər

İran və Ermənistan Araz üzərində ikinci körpünün tikintisini müzakirə edib

İran və Ermənistan dövlət sərhədində Araz çayı üzərində ikinci körpünün inşası məsələsini müzakirə edib.

Crossmedia.az xəbər verir ki, bu barədə İranın Ermənistandakı səfirliyi məlumat yayıb.

Məsələ İranın İrəvandakı səfiri Xəlil Şirqulami ilə Ermənistanın Ərazi İdarəetmə və İnfrastruktur Nazirinin müavini Kristin Qaleçyanın görüşündə müzakirə olunub.

Görüş zamanı Araz çayı üzərində ikinci körpünün tikintisi təşəbbüsü, eləcə də iki ölkə arasında infrastruktur sahəsində həyata keçirilən birgə layihələrin gedişi ilə bağlı fikir mübadiləsi aparılıb.

Tərəflər həmçinin infrastruktur sahəsində əməkdaşlığın genişləndirilməsi imkanlarını və qarşılıqlı maraq doğuran digər məsələləri müzakirə ediblər.

Mövzular:

İran Araz çay nəqliyyat Kristin Qaleçyan sərhəd

🖨 Çap et

14:59 27.08.2026

Oxunuş sayı: 54