Bu ölkədə dərs zamanı telefondan istifadə qadağan edilir
Rusiyada 2026-cı il sentyabrın 1-dən məktəblilərin dərs zamanı mobil telefonlardan istifadəsi ilə bağlı yeni qaydalar qüvvəyə minəcək.
Crossmedia.az xəbər verir ki, bu barədə “TASS”a Rusiyanın maarif naziri Sergey Kravtsov məlumat verib.
Onun sözlərinə görə, sentyabrın 1-dən qüvvəyə minəcək 316 nömrəli əmr dərs məşğələləri zamanı mobil rabitə vasitələrindən istifadə qaydalarını müəyyənləşdirir.
Yeni qaydalara əsasən, şagirdlərin dərs zamanı mobil telefondan istifadə etməsi qadağan olunur. Yalnız şagird və ya məktəb əməkdaşının həyatı və sağlamlığı üçün təhlükə yarandıqda, eləcə də digər fövqəladə hallarda telefondan istifadə etməyə icazə veriləcək.
Nazir bildirib ki, tənəffüs zamanı şagirdlərin mobil telefon və digər elektron cihazlardan istifadəsi isə təhsil müəssisəsinin daxili qaydaları əsasında tənzimlənəcək.
09:04 26.08.2026
Oxunuş sayı: 43
