Yunanıstanda Qərbi Nil virusu ilə bağlı həyəcan: yoluxma halları artır
Yunanıstanda ağcaqanadlar vasitəsilə yayılan Qərbi Nil virusuna yoluxma hallarının sayı kəskin artıb. Səhiyyə rəsmiləri virusun yayılma sürətinin davam edəcəyi təqdirdə ölkənin son illərin ən çətin dövrlərindən biri ilə üzləşə biləcəyindən narahatdır.
Crossmedia.az xəbər verir ki, Yunanıstan Milli İctimai Sağlamlıq Təşkilatının (EODY) məlumatına görə, avqustun 12-dək ölkədə 110 Qərbi Nil virusu hadisəsi qeydə alınıb. Onlardan 81-də mərkəzi sinir sistemi ilə bağlı ağırlaşmalar, 29-da isə daha yüngül əlamətlər müşahidə olunub. Yoluxmalar Attika, Fessaliya, Mərkəzi Makedoniya və Peloponnes bölgələrində 39 bələdiyyədə aşkarlanıb.
Məlumata görə, son bir həftədə 45 yeni yoluxma qeydə alınıb. EODY virusun xüsusilə sıx məskunlaşmış ərazilərdə sürətlə yayılmasının qarşıdakı həftələrdə də yüksək sayda yeni hallara səbəb ola biləcəyini bildirir.
17:10 16.08.2026
Oxunuş sayı: 55
