Rəqəmsal ekranların təsiri: yeniyetmələrin oxu bacarığı kəskin geriləyib
2012-ci ildən etibarən 91 ölkədə yeniyetmələrin oxu bacarıqlarında ciddi geriləmə qeydə alınıb. Mütəxəssislər bu tendensiyanın formalaşmasında rəqəmsal ekranların geniş istifadəsinin mühüm rol oynadığını bildirirlər.
Crossmedia.az xəbər verir ki, şagirdlərin rəqəmsal cihazlarda mətnləri sürətli oxuması və mürəkkəb məzmunu anlamağa kifayət qədər vaxt ayırmaması onların tənqidi düşünmə bacarıqlarının inkişafına mənfi təsir göstərə bilər. Bundan əlavə, ChatGPT kimi süni intellekt əsaslı mətn generatorlarından artan istifadə şagirdlərin yazı prosesinin mühüm mərhələlərini keçməsinə səbəb ola bilər.
Mütəxəssislər hesab edirlər ki, bu tendensiya gələcəkdə dezinformasiya, demoqogiya və alqoritmik təsirlərə qarşı həssaslığın artması ilə bağlı risklər yarada bilər.
Bununla belə, vəziyyətin dəyişdirilməsinin mümkün olduğu vurğulanır. Estoniya və Sinqapur kimi ölkələrdə texnologiyanın məktəblərdə passiv istehlak üçün deyil, idrak və düşünmə bacarıqlarının inkişafına dəstək məqsədilə tətbiq edildiyi qeyd olunur.
Ekspertlərin fikrincə, oxu bacarıqlarının gücləndirilməsi üçün uşaqlara erkən yaşlardan kitab oxumaq və mürəkkəb çap mətnlərini mütəmadi oxuma vərdişi formalaşdırmaq vacibdir.
00:55 02.10.2026
Oxunuş sayı: 54
