Kuba səfirliyində başsağlığı kitabı açılıb
“Azərbaycan Hava Yolları”na məxsus Bakı–Qroznı reysini həyata keçirən sərnişin təyyarəsinin qəzaya uğraması ilə əlaqədar elan olunmuş matəm günü ilə bağlı Azərbaycanın Kubadakı səfirliyində dövlət bayrağı yarıya endirilib və başsağlığı kitabı açılıb.
Crossmedia.az xəbər verir ki, Səfirlikdən verilən məlumata görə, Kubanın dövlət rəsmiləri, xarici dövlətlərin bu ölkədə akkreditdə olunmuş diplomatik missiyalarının nümayəndələri, həmçinin, vaxtilə Azərbaycanda təhsil almış kubalılar Havanada Azərbaycan səfirliyinə gələrək başsağlığı verir və xatirə kitabına ürək sözlərini yazırlar.
Bununla yanaşı, hadisə baş verən gün Kubanın yüksək səviyyəli rəsmiləri Azərbaycan dövlətinə və xalqına başsağlığı verib.
04:08 28.12.2024
Oxunuş sayı: 6830
