Azərbaycanın UNESCO-dakı Daimi Nümayəndəliyində təyyarə qəzası qurbanlarının xatirəsi anılır
Bakı-Qroznı reysini yerinə yetirən “Azərbaycan Hava Yolları”na məxsus sərnişin təyyarəsinin qəzaya uğraması ilə əlaqədar elan olunmuş matəm günü ilə bağlı ölkəmizin UNESCO yanında Daimi Nümayəndəliyində xatirə kitabı açılıb.
Crossmedia.az xəbər verir ki, UNESCO yanında akkreditə olunmuş xarici ölkələrinin daimi nümayəndələri və diplomatları Daimi Nümayəndəliyə gələrək başsağlığı verib, xatirə kitabına ürək sözlərini yazıblar.
Həmçinin, UNESCO Baş Direktoru adından, eləcə də UNESCO Baş Konfransın Prezidenti xanım Simona Mikolesku tərəfindən baş başsağlığı məktubu Daimi Nümayəndəliyə ünvanlanıb.
Qeyd edək ki, Daimi Nümayəndəliklər tərəfindən başsağlığı məktubları Azərbaycan Respublikasının UNESCO yanında Daimi Nümayəndəliyinin ünvanına göndərilir.
14:30 27.12.2024
Oxunuş sayı: 10289
