Qərbi Azərbaycan həqiqətlərindən bəhs edən məqalə nüfuzlu nəşrlərdə dərc olunub
Qərbi Azərbaycan həqiqətlərindən və azərbaycanlıların indiki Ermənistan ərazisindəki ata-baba yurdlarına geri qayıdış hüququndan bəhs edən "Geri qayıdış hüququ: Bizim ədalət və barışıq çağırışımız” adlı məqalə məqalə nüfuzlu nəşrlərdə yayımlanıb.
Bu barədə Crossmedia.az Qərbi Azərbaycan İcmasına istinadən xəbər verir.
Bildirilib ki, məqalənin müəllifi İcmanın İctimaiyyətlə əlaqələr və Qərbi Azərbaycan Televiziyası şöbəsinin müdiri – sözçüsü Ülviyyə Zülfiqardır.
Yazı Londonda yayımlanan “The europa today” nəşrində və 8 dildə fəaliyyət göstərən “Gulf observer” media resursunda dərc olunub.
Məqalədə vurğulanıb ki, ötən əsr ərzində baş bermiş sonuncu - 1987-1991-ci illər deportasiyasında 300 min azərbaycanlı zorla öz evlərindən çıxarılıb.
Qeyd olunub ki, Qərbi azərbaycanlıların bir araya gəldiyi İcma özünün qayıdış konsepsiyasını qəbul edib və bu gün onlar öz evlərinə sülh yolu ilə, təhlükəsiz və ləyaqətli şəkildə qayıtmaq uğrunda hüquqi mübarizəni davam etdirirlər.
Məqalədə İcmanın qarşı tərəfə dialoq çağırışı etməsinə, soydaşlarımızın hüquqlarının bərpa edilməsinin regionda daha dayanıqlı və uzunmüddətli barışığa nail olunmasında rolunun olmasına toxunulub.
10:11 27.12.2024
Oxunuş sayı: 13158
