Mərakeş səfirliyində qəza qurbanlarına həsr olunan xatirə kitabı açılıb
Dekabrın 25-də Bakı-Qroznı reysini yerinə yetirən “Azərbaycan Hava Yolları” (AZAL) QSC-yə məxsus “Embraer 190” tipli sərnişin təyyarəsinin qəzaya uğraması nəticəsində çoxsaylı insan tələfatı səbəbindən dekabrın 26-da Azərbaycanda matəm günü elan olunması ilə bağlı ölkəmizin Mərakeş Krallığındakı səfirliyində dövlət bayrağı yarıya qədər endirilib.
Crossmedia.az xəbər verir ki, səfirlikdən verilən məlumata görə, Mərakeşin dövlət orqanlarına, Rabatdakı diplomatik nümayəndəliklərə nota göndərilib, matəm ilə əlaqədar dekabrın 26-da və 27-də səfirlikdə xatirə kitabının açıldığını bildirilib.
Mərakeşdə akkreditə olunmuş diplomatik nümayəndəliklərin rəhbərləri və diplomatları Azərbaycan Respublikasının səfirliyinə gələrək başsağlığı verir, xatirə kitabına ürək sözlərini yazırlar.
05:47 27.12.2024
Oxunuş sayı: 8603
