Gündəm
Rusiya tərəfindən vurulan AZAL təyyarəsinin faciəsi beynəlxalq hüquq normalarının pozulması kimi dəyərləndirilir
Rusiya, Azərbaycan Hava Yollarına məxsus təyyarənin Hava Hücumundan Müdafiə (HHM) qüvvələri tərəfindən vurulmasından sonra onun Qroznı, Mahaçqala və Mineralnı Vodı hava limanlarına eniş etməsinə icazə verməyib.
Crossmedia.az xəbər verir ki, bu addım ilə Rusiya bir sıra beynəlxalq konvensiyaları pozmuşdur.
Bildirək ki, bu konvensiyalar sırasında 1944-cü il Çikaqo Konvensiyası, 1958-ci il Cenevrə Konvensiyası, 1963-cü il Tokiyo Konvensiyası, 1970-ci il Haaqa Konvensiyası, 1971-ci il Monreal Konvensiyası, 1988-ci il Monreal Konvensiyası və 1996-cı ildə Azərbaycanla Rusiya arasında imzalanmış Hava Nəqliyyatı haqqında Saziş yer alır.
Rusiya hökuməti bu konvensiyaların hər birinə qoşulmuş və onları rəsmi olaraq ratifikasiya etmişdir.
Qeyd edək ki, faciə beynəlxalq mediada geniş müzakirə olunur:
• NTV: AZAL təyyarəsi Rusiya HHM qüvvələri tərəfindən səhvən vurula bilər.
• The Wall Street Journal: Rusiyanın HHM qüvvələri tərəfindən vurulduğu ehtimal edilən AZAL təyyarəsində onlarca insan həlak olub.
• BILD: Təyyarədə vurulma izlərinin aşkar olunması onun Rusiya tərəfindən vurulmasını göstərən əsaslardan biridir.
• Euronews: Azərbaycan Hava Yollarına məxsus təyyarəyə Rusiyanın hava limanlarında eniş etmək icazəsi verilmədi və GPS siqnalları bloklandı.
• Euronews: Rusiya HHM sistemi AZAL təyyarəsinin qəzaya uğramasının səbəbi ola bilər.
• The Guardian: Rusiya AZAL təyyarəsinin vurulması ilə bağlı iddiaları təkzib etməyə çalışır.
Gültac Mehdizadə
04:13 27.12.2024
Oxunuş sayı: 12172
