Qəzanın hüznü: Hava Limanında xatirə köşəsinə güllər qoyulur
Azərbaycan Hava Yollarına məxsus sərnişin təyyarəsinin qəzaya uğraması ölkədə dərin hüzn yaradıb. Hadisə nəticəsində dünyasını dəyişənlərin xatirəsini yad etmək üçün Bakı Beynəlxalq Hava Limanında xüsusi xatirə köşəsi yaradılıb.
Crossmedia.az-ın xəbərinə görə, vətəndaşlar hava limanına gələrək gül dəstələri qoyur və mərhumların ailələrinə dəstək ifadə edirlər.
Rəsmi qurumlar isə hadisənin araşdırıldığını və qəzanın səbəblərinin müəyyənləşdirilməsi üçün təhqiqatın davam etdiyini bildiriblər.
Azərbaycan Hava Yolları şirkəti faciə ilə əlaqədar başsağlığı verərək, yaxınlarına dəstək olmaq üçün bütün lazımi tədbirlərin görüləcəyini bəyan edib. Hadisə ilə bağlı ictimaiyyətə əlavə məlumatın veriləcəyi gözlənilir.
Maral Şahverdili
Nihat Tahirov
14:09 26.12.2024
Oxunuş sayı: 19736
