Magistraturaya ixtisas seçimi bu gün başlayacaq
2026/2027-ci tədris ili üçün Azərbaycan Respublikasının ali təhsil müəssisələrinin magistraturalarına qəbul üçün ixtisaslaşma seçimi haqqında əvvəlcədən verilən elana görə, prosesə dünən start verilməli idi.
Lakin dünən magistratura üzrə ixtisas seçimi üçün sistem aktiv edilmədiyindən bakalavrlar çaş-baş qalıblar.
Crossmedia.az xəbər verir ki, bununla əlaqədar Dövlət İmtahan Mərkəzinə (DİM) çox sayda suallar ünvanlanıb.
DİM-dən həmin suallara cavab olaraq bildirilib ki, ali təhsil müəssisələrinin magistraturalarına ixtisaslaşma seçiminin bu gün başlanması nəzərdə tutulur.
İxtisas seçiminin iyulun 26-dək davam edəcəyi gözlənilir. Hər bir bakalavr 20-dək ixtisas seçə bilər.
09:31 21.07.2026
Oxunuş sayı: 74
