Rusiyanın iki böyük hava limanı sərnişin qəbuluna başladı
Rusiyanın paytaxtındakı iki böyük hava limanı – Vnukovo və Domodedovoda təyyarələrin qəbulu və yola salınması yenidən həyata keçirilir.
Crossmedia.az xəbər verir ki, bu barədə Rusiyanın Federal Hava Nəqliyyatı Agentliyinin (Rosaviasiya) mətbuat xidməti məlumat yayıb.
Bildirilib ki, uçuşlar hava məkanından istifadəyə tətbiq edilən müvəqqəti məhdudiyyətlərlə əlaqədar müvafiq qurumlarla razılaşdırılaraq həyata keçirilir.
Rosaviasiya mümkün uçuş cədvəli dəyişiklikləri barədə xəbərdarlıq edib. Sərnişinlərə reyslərin statusunu hava limanlarının onlayn tablosundan yoxlamaq tövsiyə olunub.
Məlumata görə, Vnukovo hava limanında iş rejimi Moskva vaxtı ilə saat 07:17-də, Domodedovoda isə saat 08:49-da bərpa olunub. Məhdudiyyətlərin təhlükəsizlik tədbirləri ilə əlaqədar tətbiq edildiyi bildirilib.
Bundan əvvəl Rusiyanın Çeboksarı, İjevsk, Kazan və daha bir neçə hava limanında da uçuşlara məhdudiyyətlər tətbiq edilmişdi. Çeboksarı hava limanı artıq fəaliyyətini bərpa edib.
12:00 12.07.2026
Oxunuş sayı: 66
