Ermənistan Aİ bazarına çıxışı genişləndirmək istəyir
Ermənistanın iqtisadiyyat naziri Gevorq Papoyan Avropa İttifaqına üzv ölkələrin səfirləri ilə Ermənistan məhsullarının ixrac imkanlarının artırılması və ticarət prosedurlarının sadələşdirilməsi məsələlərini müzakirə edib.
Crossmedia.az xarici mediaya istinadən xəbər verir ki, Papoyan Ermənistan məhsullarının keyfiyyət göstəricilərinə görə Avropa bazarında təqdim olunan məhsullardan geri qalmadığını bildirib.
Nazirin sözlərinə görə, Ermənistan istehsalı olan məhsullar yüksək standartlara cavab verir və “GLOBAL GAP” sertifikatı da daxil olmaqla, beynəlxalq tələblərə uyğun bütün zəruri sənədlərlə təmin olunub.
O, Ermənistan məhsullarının Avropa bazarlarında daha geniş təmsil olunması üçün əməkdaşlığın vacibliyini vurğulayıb.
14:22 24.06.2026
Oxunuş sayı: 47
