ABŞ İrana qarşı əməliyyatda milyardlar itirdi: nəticə dəyişmədi
ABŞ-nin İranla bağlı hərbi və siyasi addımları təxminən 40 milyard dollara başa gəlib.
Crossmedia.az xəbər verir ki, CNN-in CSIS analitiklərinə istinadən məlumatına görə, bu məbləğə döyüş sursatları, məhv edilən texnika və ABŞ bazalarına dəyən ziyan daxildir. Lakin artıq büdcəyə daxil edilmiş operativ xərclər bu hesablamaya əlavə olunmayıb. Ən böyük xərc maddəsi isə təxminən 26 milyard dollar dəyərində sursatlardır, o cümlədən hər birinin qiyməti təxminən 2,5 milyon dollar olan təxminən 1000 “Tomahawk” raketi.
Məlumata əsasən, əməliyyatların nəticəsində ABŞ konkret sülh sazişi deyil, yalnız memorandum və 60 günlük danışıqlar mərhələsi əldə edib.
Razılaşma çərçivəsində Hörmüz boğazının açılması, İran limanlarına tətbiq olunan blokadanın yumşaldılması, neft sanksiyalarında müvəqqəti güzəştlər, dondurulmuş aktivlərin müzakirəsi və nüvə inspektorlarının geri qaytarılması nəzərdə tutulur.
İran isə danışıqlar dövründə nüvə silahı istehsal etməyəcəyini və nüvə proqramını genişləndirməyəcəyini öhdəsinə götürüb.
Məlumatda qeyd olunur ki, nəticə etibarilə ABŞ böyük xərclərə baxmayaraq, 2015-ci ildə Obama dövründə imzalanmış nüvə sazişinə bənzər şərtlərə qayıtmış olub.
22:04 23.06.2026
Oxunuş sayı: 61
