Xarici xəbərlər

İlhan Ömər: Övladlarımla həmin evdə qalmaq artıq mümkün deyil

ABŞ Konqresinin Minnesota ştatından olan üzvü İlhan Ömər federal agentlərin evində apardığı axtarışdan sonra övladları ilə Vaşinqtondakı evində yaşamağın artıq təhlükəsiz olmadığını bildirib.

Crossmedia.az xəbər verir ki, “MS NOW” nəşri konqresmenin açıqlamasını yayıb.

Ömər evində aparılan axtarışdan sonra ünvanının ictimailəşdirilməsindən narahat olduğunu və aldığı ölüm təhdidlərini nəzərə alaraq həmin evdə qalmasının mümkün olmayacağını deyib.

Konqresmen evində səhər tezdən keçirilən axtarışdan sonra ilk dəfə ictimaiyyət qarşısında danışıb. Onun sözlərinə görə, Daxili Təhlükəsizlik Araşdırmaları İdarəsinin əməkdaşları axtarış zamanı mobil telefonlar və qeyd dəftərləri də daxil olmaqla, ondan çox əşya götürüblər.

Axtarışın davam edən federal cinayət istintaqı çərçivəsində aparıldığı bildirilsə də, ABŞ hökuməti Ömərin hansı cinayətdə şübhəli bilindiyini açıqlamayıb.

🖨 Çap et

22:23 22.10.2026

Oxunuş sayı: 59