Tramp artıq Ukraynanı müharibədə məğlub hesab etmir
ABŞ Prezidenti Donald Tramp Ukraynanı müharibədə məğlub tərəf kimi görməkdən imtina edib.
Crossmedia.az xəbər verir ki, ˝Financial Times˝-in köşə yazarı Edvard Lüçun fikrincə, Tramp əvvəlki dövrlərdə Ukrayna Prezidenti Volodimir Zelenskini və ümumilikdə Kiyevi zəif və məğlub vəziyyətdə olan tərəf kimi qiymətləndirirdi. Lakin cəbhədəki vəziyyət və Ukraynanın Rusiya ərazisinə endirdiyi zərbələr bu yanaşmanın tədricən dəyişməsinə səbəb olub.
Analitikin fikrincə, Tramp Zelenskini qalib hesab etməsə də, artıq onu məğlub kimi də görmür.
Məqalədə dron müharibəsinin bu dəyişiklikdə mühüm rol oynadığı vurğulanır. Bildirilir ki, Ukraynanın müdafiə texnologiyaları və döyüş təcrübəsi ABŞ Müdafiə Nazirliyinin diqqətini cəlb edib və pilotsuz uçuş aparatlarının inkişafına böyük vəsait ayrılır.
Yazıya əsasən, Ukrayna artıq yalnız yardım alan tərəf kimi deyil, Avropa təhlükəsizliyində mühüm aktor kimi qəbul olunmağa başlayır.
21:28 23.06.2026
Oxunuş sayı: 52
