Miqrantın hücumundan sonra Belfastda vəziyyət gərginləşib
Böyük Britaniyanın Belfast şəhərində sudanlı miqrantın yerli sakinə hücum etməsindən sonra kütləvi iğtişaşlar baş verib.
Crossmedia.az xarici mediaya istinadən xəbər verir ki, məlumata görə, sudanlı miqrant bir kişiyə hücum edərək onun boğazını bıçaqla kəsməyə cəhd edib. Hadisədən sonra Şimali İrlandiyanın müxtəlif bölgələrində etiraz aksiyaları və iğtişaşlar başlayıb.
İğtişaşlar zamanı bir neçə mobil telefon mağazası qarət olunub, afrikalı miqrantlara məxsus olduğu bildirilən mağaza yandırılıb. Həmçinin bəzi ərazilərdə izdihamın miqrant ailəsinin yaşadığı güman edilən evə daxil olmağa çalışdığı qeyd edilir.
Hüquq-mühafizə orqanları bölgədə təhlükəsizlik tədbirlərini gücləndirib və hadisələrlə bağlı araşdırma aparır.
16:08 10.06.2026
Oxunuş sayı: 52
