Sosial Tədqiqatlar Mərkəzinin departament rəhbəri Crossmedia.az saytının qonağı olub
Sosial Tədqiqatlar Mərkəzinin Media və Kommunikasiya departamentinin rəhbəri Əziz Əlibəyli Crossmedia.az saytının ofisini ziyarət edib.
Görüş zamanı Sosial Tədqiqatlar Mərkəzinin sədri, Milli Məclisin üzvü Zahid Orucun salamlarını çatdıran Əziz Əlibəyli saytın komandası və iş prinsipləri ilə tanış olub. Ə.Əlibəyli kollektivlə fikir mübadiləsi aparıb. Ə.Əlibəyli bildirib ki, müasir dövrün ən güclü silahı informasiyadır: “Bizim üçün bu, Vətən müharibəsində əldə edilən qələbənin sayəsində yeni siyasi-hüquqi və mühüm sferalarda mühüm informativ yanaşmalar doğurub”. Qonaq əlavə edib ki, saytın fəaliyyətində gənclərin üstünlük təşkil etməsi informasiya cəbhəsində yeni keyfiyyət yanaşmalarını da özü ilə gətirdiyi üçün qısa müddətdə təsirli nəticələr doğura bilər.
Crossmedia.az saytının baş redaktoru Mübariz Göyüşlü söhbət zamanı diqqəti mediada yeniliklərin tətbiqi, cəmiyyətin informasiya ehtiyaclarının qarşılanması və yerli medianın potensialının artırılması məsələlərinə yönəldib. M.Göyüşlü Cross Media Təhlil Mərkəzinin məqsəd və məramından, informasiya mühitində analitik yanaşmalar təqdim etmək çalışmalarından bəhs edib: “Crossmedia.az analitik-informasiya portalı kimi 1 noyabr tarixindən etibarən fəaliyyətə başlayıb. Saytımız yeni ideyalarla çıxış etməyə, oxuculara maraqlı kontentlər təqdim etməyə çalışır. Fəaliyyətimiz ümidverici nəticələr göstərməkdədir. Ölkə və beynəlxalq gündəmə dair geniş təhlillər, müxtəlif mövzularda araşdırma yazıları hazırlayırıq. Gələcəkdə fəaliyyətimizi daha da genişləndirərək, yeni layihələr və formatlarla oxucularımıza xidmət etməyi planlaşdırırıq”,- deyə o, bildirib.
Günəş Məmmədova
12:43 13.12.2024
Oxunuş sayı: 21917
