Təqaüd proqramı iştirakçıları üçün akademik məqalə yazmaq üzrə praktiki təlim keçirilib
Təqaüd proqramlarının iştirakçıları üçün təşkil olunan akademik məqalə yazmaq üzrə praktiki təlim sessiyası Elm və Təhsil Nazirliyi yanında İctimai Şuranın katibi Günay Əkbərova tərəfindən həyata keçirilib.
Crossmedia.az xəbər verir ki, bu barədə Təhsilin İnkişafı Fondu məlumat yayıb.
Sessiya çərçivəsində iştirakçılara akademik məqalənin əsas xüsusiyyətləri, onun strukturunun düzgün qurulması ətraflı şəkildə izah olunub. Eyni zamanda, akademik üslubun tələbləri, düzgün ifadə formaları və yazı zamanı tez-tez rast gəlinən səhvlər praktiki nümunələr əsasında təqdim edilib.
Təlimin praktik hissəsində iştirakçılar verilmiş mövzular üzrə qısa giriş paraqrafları hazırlayaraq nəzəri biliklərini tətbiq ediblər. Bu proses onların akademik yazı bacarıqlarını inkişaf etdirməyə və daha sistemli yanaşma formalaşdırmağa imkan yaradıb.
Qeyd edək ki, təşkil olunan təlim təqaüd proqramı iştirakçılarının elmi yazı bacarıqlarının gücləndirilməsinə və onların gələcək akademik fəaliyyətinə dəstək məqsədi daşıyıb.
17:02 22.04.2026
Oxunuş sayı: 44
