Politoloq: ABŞ qarşıdurmanın genişlənməsində maraqlıdır
Hazırda hər kəs İranla bağlı sülh sazişinin mümkünlüyünü müzakirə edir, lakin bu ehtimal çox azdır.
Crossmedia.az xəbər verir ki, politoloq və rusiyalı türkoloq Vladimir Avakov bunu "NEWS.am"-a bildirib.
Avakovun sözlərinə görə, amerikalılar əvvəlcə danışıqlardan öz məsələlərini həll etmək üçün vaxt qazanmaq məqsədilə qüvvələrini cəmləşdirmək vasitəsi kimi istifadə ediblər:
"Sonra baxın, amerikalılar Avropanı, Avropa Birliyini Rusiyadan süni bir maneə ilə ayırdı. İndi isə onlar Yaxın və Orta Şərqdə bu süni maneəni faktiki olaraq qururlar.
Hansı məqsədlə? Ticarətin istiqamətini dəyişdirmək üçün. Əvvəllər biz Avropa və Asiyanın birbaşa ticarət etdiyini görməyə öyrəşmişdik. Lakin ABŞ-dəkı xəritə bir az fərqli görünür.
Orada Şimali və Cənubi Amerika mərkəzdədir, Avropa və Asiya isə ayrılıb. Bəs niyə ticarətin fərqli şəkildə axacağını təsəvvür etməyək? Bəli, bahadır.
Amma avropalılar bahalı qaz alırlar. Amerikalılar onları buna məcbur etdilər" - deyə ekspert izah edib.
Onun sözlərinə görə, avropalılar da eyni şəkildə Şimali və Cənubi Amerikadan, Panama kanalından keçəcək bahalı Çin mallarını ala bilərlərb:
"Yeri gəlmişkən, ABŞ prezidenti Donald Trampın Panama kanalına bu qədər diqqət yetirməsinin səbəbi də məhz budur - əgər əvvəlki kimi Avropa ilə Asiya arasında malların daşınması mümkün olmazsa. Və görünür ki, bu, xüsusən də Hörmüz boğazının açıldığını, lakin əslində bağlandığını nəzərə alsaq, mümkün olmayacaq. Amerikalılar bloklayaraq açırlar. Məsələnin əsas məğzi budur.
Niyə yarımçıq tədbirlərlə kifayətlənək ki? Amerikalılar qarşıdurmanın şiddətlənməsində açıq-aydın maraqlıdırlar", - deyə rusiyalı türkoloq vurğulayıb.
Avakovun sözlərinə görə, qarşıdurmanın ikinci mərhələsi tamamilə fərqli ola bilər:
"Amerikalılar baş verənlərdə bütün oyunçuların maksimum dərəcədə iştirakına ehtiyac duyurlar. Ərəblər qarışmayıblar, amma qarşıdurma davam edərsə, qarışma ehtimalı çox yüksəkdir. Və bununla belə, qalan yeganə seçim mülki təyyarələrin hərəkətinə baxmaqdır".
03:40 22.04.2026
Oxunuş sayı: 45
