Veteranlar Təşkilatının əməkdaşları Ümummilli Liderin məzarını ziyarət ediblər
Dekabrın 11-də Azərbaycan Respublikası Müharibə, Əmək və Silahlı Qüvvələr Veteranları Təşkilatının əməkdaşları polkovnik Cəlil Xəlilovun rəhbərliyi altında müasir müstəqil dövlətimizin memarı və qurucusu, Ümummilli Lider Heydər Əliyevin anım günü ilə əlaqədar Fəxri xiyabanda Ulu Öndərin məzarını ziyarət ediblər.
Crossmedia.az Təşkilatın mətbuat xidmətinə istinadən xəbər verir ki, veteranlar Ulu Öndərin əziz xatirəsini böyük ehtiramla yad edib, məzarı önünə əkil və gül dəstələri qoyublar.
Veteranlar qarşısında çıxış edən polkovnik C.Xəlilov Ümummilli Lider Heydər Əliyevin Azərbaycan xalqı qarşısındakı tarixi xidmətlərinə toxunub, bu xidmətlərin əvəzedilməz olduğunu vurğulayıb.
Daha sonra veteranlar görkəmli oftalmoloq-alim, akademik Zərifə Əliyevanın da məzarını ziyarət edib, böyük elm xadiminin məzarı önünə gül dəstələri qoyublar.
16:05 11.12.2024
Oxunuş sayı: 8364
