Xarici xəbərlər

XİN: İran ABŞ ilə danışıqlara hazır deyil

İran hazırda ABŞ ilə diplomatik danışıqları müzakirə etməyə hazır deyil.

Crossmedia.az xəbər verir ki, İran Xarici İşlər Nazirliyinin sözçüsü İsmayıl Bəqayi Misirin “Al-Masry Al-Youm” qəzetinə müsahibəsində bildirib.

Onun sözlərinə görə, ABŞ əvvəlki danışıqlardan yalnız güc tətbiqinə hazırlıq məqsədilə istifadə edib və buna görə artıq Amerikanın diplomatiyasına etibar qalmayıb.

Bəqayi həmçinin ABŞ və İsrail-in günahsız insanların həlak olduğu müharibəyə başladığını, Fars körfəzindən Oman dənizinə qədər bölgədə təhlükəsizliyi zəiflədiklərini bildirib.

O qeyd edib ki, İran səhv hesablamalar və İsrailin təxribatı nəticəsində ABŞ-nin cəlb olunduğu müharibənin təkrarlanmaması üçün özünü müdafiə etməyə hazırdır. Sözçü əlavə edib ki, İran danışıqlar barədə danışmağa hazır deyil və ABŞ-nin tələbləri şişirdilmiş və məntiqsizdir.

🖨 Çap et

14:00 02.04.2026

Oxunuş sayı: 46