Trampdan sərt mesaj: İranı Daş dövrünə qaytara bilərik
ABŞ Prezidenti Donald Tramp İrana qarşı həyata keçirilən əməliyyatlarla bağlı millətə müraciət edib.
Crossmedia.az xəbər verir ki, bu barədə “Clash Report” məlumat yayıb.
Prezident bildirib ki, İranda əsas strateji hədəflər demək olar ki, tamamlanmaq üzrədir və yaxın 2–3 həftə ərzində daha sərt zərbələr endiriləcək. Tramp qeyd edib ki, İranın Hərbi Dəniz Qüvvələri artıq mövcud deyil, Hərbi Hava Qüvvələri isə ağır zərbələr nəticəsində faktiki olaraq sıradan çıxarılıb.
ABŞ lideri İranı “yer üzündəki ən qəddar və quldur rejimlərdən biri” kimi xarakterizə edərək vurğulayıb ki, bu münaqişə tezliklə başa çatdırılacaq.
Tramp həmçinin diqqətə çatdırıb ki, ABŞ hələlik İranın neft obyektlərini hədəf almayıb, baxmayaraq ki, bunu etmək ən asan addım olardı və bu, ölkənin bərpa imkanlarını tamamilə aradan qaldıra bilərdi.
O, Hörmüz boğazı məsələsinə də toxunaraq bildirib ki, bu keçiddən istifadə edən ölkələr onun təhlükəsizliyinə daha çox önəm verməlidir.
Prezidentin sözlərinə görə, münaqişə başa çatdıqdan sonra boğaz təbii şəkildə yenidən açılacaq.
ABŞ-ın artıq Yaxın Şərq neftindən asılı olmadığını vurğulayan Tramp əlavə edib ki, Vaşinqton regionda yalnız müttəfiqlərinə dəstək məqsədilə mövcuddur.
10:16 02.04.2026
Oxunuş sayı: 73
