Suriya prezidenti münaqişə və İran siyasəti ilə bağlı açıqlama verib
Suriya prezidenti Əhməd əl-Şaraa açıqlamasında bildirib ki, o heç vaxt Əl-Qaidə-nin siyasətini tam qəbul etməyib və əgər qəbul etsəydi, bu gün də onlarla birlikdə olardı.
Crossmedia.az bu barədə xarici mediaya istinadən xəbər verir.
O əlavə edib ki, İraqdakı səhvlərin Suriyada təkrarlanmaması üçün əvvəldən fərqli yol seçiblər və nəticədə Əl-Qaidə ilə bütün əlaqələri kəsiblər. “Bu yeni kursun əvəzini daxili münaqişələrlə ödəsək də, bu doğru addım idi. Bu seçim 60 illik tiran rejiminin devrilməsinə və xalqımızın azad olmasına gətirib çıxardı”, – deyə Şaraa bildirib.
Suriya prezidenti vurğulayıb ki, “Suriya birbaşa hücuma məruz qalmadığı müddətdə münaqişədən kənarda qalacaq. 14 illik müharibə bizə sülhün dəyərini öyrətdi; artıq başqa bir müharibəyə hazır deyilik”.
Şaraa İranla bağlı da açıqlama verib: “Bizim İran ilə Tehranda heç bir problemimiz yox idi; problem Dəməşqdəki İranla idi. Son 40 ildə İranın müdaxilələri və milis dəstələrinə dəstəyi rejimin xalqını qırğın etməsinə və milyonlarla suriyalının didərgin düşməsinə səbəb olub”.
O, həmçinin Qəzza ilə həmrəyliyini vurğulayıb: “Suriya və Qəzza ortaq taleyə sahibdir; Suriya Qəzza xalqı ilə eyni ağrını yaşayıb və dərin həmrəylik ifadə edir”.
Şaraa İsrailin İsrail-in Suriyaya yanaşmasını da tənqid edib: “Dialoq və danışıqlar yolu ilə müsbət nəticələr əldə etməyə çalışdıq, lakin son anda hər şey dəyişdi”.
Prezident hazırda Suriyanın əsas prioritetinin yenidənqurma və bərpa olduğunu bildirib.
14:47 01.04.2026
Oxunuş sayı: 55
