Xarici xəbərlər

Lavrov: İranla kəşfiyyat əməkdaşlığı iddiaları əsassızdır

Rusiyanın xarici işlər naziri Sergey Lavrov İranla kəşfiyyat məlumatlarının paylaşılması ilə bağlı iddiaları təkzib edib.

Crossmedia.az-ın məlumatına görə, Lavrov "France Télévisions" telekanalına müsahibəsində bildirib ki, Moskva ilə Tehran arasında hərbi-texniki əməkdaşlıq mövcuddur və müəyyən hərbi məhsulların tədarükü həyata keçirilib.

Bununla belə, o vurğulayıb ki, Rusiyanın İrana kəşfiyyat məlumatları ötürdüyü barədə ittihamlar həqiqəti əks etdirmir.

Nazir əlavə edib ki, ABŞ-nin Yaxın Şərqdə yerləşən hərbi bazaları ilə bağlı məlumatlar açıq mənbələrdə geniş şəkildə mövcuddur və bu səbəbdən İranın həmin obyektləri hədəf alması təəccüblü deyil.

🖨 Çap et

13:15 27.03.2026

Oxunuş sayı: 51