Xarici xəbərlər

KİV: Ərəb ölkələri ABŞ-yə İrana hücumlarda dəstək verib

Bir sıra ərəb ölkələri ABŞ-nin İrana qarşı həyata keçirdiyi hücumlara dəstək göstərib.

Crossmedia.az xəbər verir ki, “Fars News” xəbər agentliyi məlumat yayıb.

Məlumata görə, Bəhreyn, Qətər, Küveyt, Birləşmiş Ərəb Əmirlikləri və Səudiyyə Ərəbistanı ABŞ qüvvələrinə öz ərazilərini, hava məkanlarını və hərbi infrastrukturlarını təqdim edib.

Agentliyin məlumatına əsasən, Amerika qüvvələri hava, dəniz və raket hücumlarını həyata keçirmək üçün təkcə hərbi bazalardan deyil, həm də bu ölkələrin sularından və hava məkanından istifadə edib.

Daha əvvəl ABŞ Prezidenti Donald Tramp da çıxışlarının birində Səudiyyə Ərəbistanının vəliəhd şahzadəsi Mohammed bin Salmanın onların tərəfində vuruşduğunu bildirərək Ər-Riyadın dolayı dəstəyinə işarə etmişdi.

Bundan əlavə, BƏƏ-nin ABŞ-dəki səfirinin "The Wall Street Journal" qəzetində dərc olunan məqaləsində ABŞ-İsrail hücumlarına dəstək ifadə etdiyi qeyd olunur.

🖨 Çap et

13:00 27.03.2026

Oxunuş sayı: 52