KİV: Rusiya Ukraynaya zərbələrin taktikasını dəyişib
Rusiya Ukraynaya qarşı həyata keçirdiyi raket zərbələrinin taktikasını dəyişərək daha çox ballistik raketlərdən istifadə etməyə başlayıb. Analitiklərin fikrincə, bu addım Ukraynanın hava hücumundan müdafiə sistemləri üçün nəzərdə tutulan Patriot raketlərinin ehtiyatını tükəndirməyə hesablanıb.
Crossmedia.az xəbər verir ki, bu barədə Institute for the Study of War (ISW) yayıb. Qurumun analitikləri bildiriblər ki, martın 6-dan 7-nə keçən gecə həyata keçirilən hücumlar zamanı buraxılan raketlərin təxminən yarısı ballistik olub. Halbuki, adətən Rusiya bir hücum zamanı 10-dan çox belə raketdən istifadə etmir və onları daha çox nöqtəvi zərbələr üçün tətbiq edir.
ISW-nin qiymətləndirməsinə görə, Moskva Ukraynanın Patriot missile system üçün nəzərdə tutulan PAC-3 tipli raketlərin məhdud ehtiyatlarından yararlanmağa çalışır. Analitiklər qeyd edirlər ki, ABŞ və Fars körfəzi ölkələri də Yaxın Şərqdə İranın hücumlarından müdafiə məqsədilə Patriot raketlərindən aktiv istifadə etdiyinə görə bu sistemlərin raket ehtiyatları qlobal miqyasda azalır.
Hesabata görə, Rusiya bu taktika ilə Ukraynanın hava hücumundan müdafiə imkanlarını daha tez tükəndirməyi və tərəfdaş ölkələrdən yeni raket-tutucuların əldə edilməsini çətinləşdirməyi hədəfləyir.
20:12 08.03.2026
Oxunuş sayı: 53
