ABŞ və İran martın əvvəlində aralıq razılaşmaya nail ola bilər
ABŞ və İranın mart ayının əvvəlində keçirilməsi gözlənilən dolayı danışıqlarda aralıq razılaşmaya gələ biləcəyi bildirilir.
Crossmedia.az xəbər verir ki, bu barədə Reuters məlumat yayıb. Məlumata görə, tərəflər arasında aparılan təmaslar müəyyən irəliləyiş ehtimalını gündəmə gətirib.
Bildirilir ki, İran öz enerji resursları üzərində nəzarəti ABŞ-yə vermək niyyətində deyil. Bununla belə, mümkün razılaşma çərçivəsində Amerika şirkətləri podratçı qismində İranın neft və qaz yataqlarının işlənməsində iştirak edə bilər.
Qeyd olunur ki, gözlənilən danışıqlar regionda gərginliyin azaldılması və iqtisadi əməkdaşlıq imkanlarının müzakirəsi baxımından mühüm əhəmiyyət daşıya bilər.
16:44 22.02.2026
Oxunuş sayı: 613
