Cənubi Qafqaz
Paşinyanın müxalifətlə qarşıdurması: Baş nazir məhkəməyə verilir
Son illərdə Cənubi Qafqazda sülh prosesi ilə bağlı intensiv danışıqlar aparılır. Bu çərçivədə ən vacib məsələlərdən biri Ermənistan və Azərbaycan arasında sülh müqaviləsinin bağlanmasıdır. Paşinyan hökumətinin bu müqavilə üzərində apardığı işlər, həm daxili, həm də xarici səviyyədə geniş müzakirələrə səbəb olub. Müxalifət və hakimiyyət arasında bu məsələyə yanaşmalar fərqli olsa da, baş nazir Nikol Paşinyan və hökuməti sülh müqaviləsinin detallarını yalnız seçilən şəxslərlə müzakirə edirlər. Bu yanaşma, bir çoxları tərəfindən müxalifətin sərt reaksiyasına səbəb olsa da, Paşinyan və tərəfdarları bunun məqbul olduğunu vurğulayırlar. Elə buna görə də Ermənistan parlamentinin “Hayastan” müxalifət blokunun 4 deputatı İrəvan və Bakı arasında sülh müqaviləsi layihəsi ilə tanış olmağa qadağa qoyulduğu üçün hökumətə və Ermənistan Xarici İşlər Nazirliyinə qarşı məhkəmə iddiası qaldırıb.
Mövzu ilə bağlı Crossmedia.az-a açıqlama verən politoloq Elşad Həsənov məsələnin sülh müqaviləsinin gələcək taleyinə necə təsir edəcəyi barədə danışıb:
"Sülh müqaviləsi üzərində işlər gedir. Yaxınlaşmalar var. Paşinyan sülh müqaviləsini müxalifətə göstərməməkdə bəlkə də haqlıdır. Çünki müxalifət ilə özlərinin dediyi kimi parlamentdə bu məsələləri qaldıracaqlar, problemlər yaranacaq, baş ağrısı olacaq və eləcə də bu müqavilənin müddəaları yayılacaq. Ona görə də müqavilə müxalifətə verilməyib".
Politoloq sözü gedən məsələnin sülh müqaviləsinə tərsirinin olmayacağını deyib:
"Bunun sülh müqaviləsinə ciddi təsiri yoxdur. Sülh müqaviləsini dövlət adından Paşinyan imzalayacaq. Müxalifətin razı və ya narazı olması burada soruşulmur. Bu işi aparan, sülh müqaviləsinin bağlanmasına çalışan orqan Xarici İşlər Nazirliyi və hökumətin özüdür.
Hedab edirəm ki, məhkəmə də hakimiyyəti haqlı çıxardacaq və heç bir başqa məsələ olmayacaq. Çünki hökumətin hazırladığı sənədlər müxalifətə göstərmək üçün deyil. Ancaq ölkə üçün vacib olan məqamlar isə parlamentdə müzakirə olunur. Ondan sonra qərar qəbul olunur. Bu mənada Paşinyanın bu addımı düzdür və müxalifət də onunla razılaşmalıdır".
E.Həsənov sonda bir daha qeyd edib ki, yanvarın 14- də hansı qərarın qəbul edilməsindən asılı olmayaraq bunun sülh müqaviləsinə heç bir təsiri olmayacaq.
Banuçiçək Kalbalıyeva
Mövzu ilə bağlı Crossmedia.az-a açıqlama verən politoloq Elşad Həsənov məsələnin sülh müqaviləsinin gələcək taleyinə necə təsir edəcəyi barədə danışıb:
"Sülh müqaviləsi üzərində işlər gedir. Yaxınlaşmalar var. Paşinyan sülh müqaviləsini müxalifətə göstərməməkdə bəlkə də haqlıdır. Çünki müxalifət ilə özlərinin dediyi kimi parlamentdə bu məsələləri qaldıracaqlar, problemlər yaranacaq, baş ağrısı olacaq və eləcə də bu müqavilənin müddəaları yayılacaq. Ona görə də müqavilə müxalifətə verilməyib".
Politoloq sözü gedən məsələnin sülh müqaviləsinə tərsirinin olmayacağını deyib:
"Bunun sülh müqaviləsinə ciddi təsiri yoxdur. Sülh müqaviləsini dövlət adından Paşinyan imzalayacaq. Müxalifətin razı və ya narazı olması burada soruşulmur. Bu işi aparan, sülh müqaviləsinin bağlanmasına çalışan orqan Xarici İşlər Nazirliyi və hökumətin özüdür.
Hedab edirəm ki, məhkəmə də hakimiyyəti haqlı çıxardacaq və heç bir başqa məsələ olmayacaq. Çünki hökumətin hazırladığı sənədlər müxalifətə göstərmək üçün deyil. Ancaq ölkə üçün vacib olan məqamlar isə parlamentdə müzakirə olunur. Ondan sonra qərar qəbul olunur. Bu mənada Paşinyanın bu addımı düzdür və müxalifət də onunla razılaşmalıdır".
E.Həsənov sonda bir daha qeyd edib ki, yanvarın 14- də hansı qərarın qəbul edilməsindən asılı olmayaraq bunun sülh müqaviləsinə heç bir təsiri olmayacaq.
Banuçiçək Kalbalıyeva
17:00 02.12.2024
Oxunuş sayı: 17107
