Almaniya gənclərinin 21 faizi ölkəni tərk etmək istəyir
Almaniyada 14-29 yaş aralığında olan gənclərin 21 faizi ölkədən köçməyi planlaşdırır, daha 41 faizi isə belə bir ehtimalı nəzərdən keçirir.
Crossmedia.az xəbər verir ki, bu barədə “Handelsblatt” nəşri araşdırmanın nəticələrinə əsasən məlumat yayıb.
Araşdırmaya görə, Almaniya gəncləri arasında ölkəni tərk etmək istəyinin əsas səbəblərindən biri siyasi vəziyyətdən narazılıqdır. Gənclər hesab edirlər ki, ölkədə qərarlar əsasən yaşlı nəsil nümayəndələri tərəfindən qəbul edilir, onların maraqları isə lazımi səviyyədə nəzərə alınmır.
Almaniyanın Federal Statistika İdarəsinin məlumatına görə, 2025-ci ildə ölkəni rekord sayda – 290 min Almaniya vətəndaşı tərk edib. Onların yarısının yaşı 20-39 arasında olub.
Bundan əvvəl Almaniyanın aparıcı iqtisadçıları 2028-ci ildən etibarən ölkədə genişmiqyaslı büdcə böhranının yarana biləcəyi barədə xəbərdarlıq etmişdilər.
Məlumata görə, Almaniyanın 2027-ci il üçün federal büdcə layihəsində xərclər 561 milyard avro, yeni borclanmanın həcmi isə 210 milyard avro nəzərdə tutulub.
07:01 21.11.2026
Oxunuş sayı: 36