Qəzza zolağında döyüşlər dayandırıldı - Trampın sülh təşəbbüsləri dünya gündəmində
Qəzza zolağında döyüş əməliyyatları dayandırılıb. ABŞ Prezidenti Donald Tramp İsrail və HƏMAS hərəkatının Amerikanın sülh planının birinci mərhələsini imzaladıqlarını açıqlayıb.
Bu barədə Crossmedia.az xarici mənbələrə istinadən xəbər verir ki,Trampın beynəlxalq münaqişələrin dayandırılmasına nail olduğu ilk hal deyil. Onun birinci prezidentlik dövründə Serbiya və Kosovo arasında münasibətlərin normallaşdırılması haqqında saziş imzalanmışdı. 2025-ci ilin yazında isə Trampın vasitəçiliyi ilə Tayland və Kamboca arasında Dañrek dağları bölgəsində ərazi mübahisəsi səbəbindən baş vermiş silahlı insident dayandırılıb.
Yay aylarında o, Ruanda və Konqo Demokratik Respublikası arasında 1990-cı illərdən davam edən münaqişədə atəşkəsin əldə olunmasına nail olub. Eyni ilin yazında Hindistan və Pakistan arasında eskalasiyanın qarşısını alıb, daha sonra isə İran və İsrail arasında qarşılıqlı zərbələrdən sonra atəşkəsin əldə edilməsini təmin edib.
Azərbaycan üçün xüsusi əhəmiyyət daşıyan hadisə isə avqust ayında Vaşinqtonda keçirilən danışıqlar olub. Burada ABŞ Prezidentinin iştirakı ilə Azərbaycan Prezidenti İlham Əliyev və Ermənistanın Baş naziri Nikol Paşinyan görüşüblər. Görüş nəticəsində sülh yol xəritəsi hazırlanıb və münaqişəyə son qoyan saziş paraflanıb.
Bu qədər uğurlu sülh təşəbbüsləri Donald Trampı XXI əsrin ən səmərəli vasitəçilərindən birinə çevirib. Sabah Nobel Komitəsi yeni laureatı elan edəcək və müşahidələrə görə, Tramp bu mükafata ən real namizədlərdən biri hesab olunur.
Fidan Quliyeva
17:14 09.10.2025
Oxunuş sayı: 3145
