Qarabağ Universitetində “Ustad dərsləri silsiləsi” layihəsinə başlanılıb
Qarabağ Universitetinin İncəsənət fakültəsində
tələbələrin peşəkar inkişafına dəstək məqsədilə “Ustad dərsləri silsiləsi” adlı
layihəyə başlanılıb.
Universitetdən Crossmedia.az-a
bildirilib ki, rektor Şahin Bayramov tələbələrin sənət dünyası ilə birbaşa
təmasda olmalarının onların peşəkar inkişafına töhfə verəcəyini vurğulayıb.
“Ustad dərsləri silsiləsi” layihəsinin ilk qonağı pianoçu,
Üzeyir Hacıbəyli adına Bakı Musiqi Akademiyasının prorektoru, Xalq artisti,
professor Yeganə Axundova olub. Tələbələrlə görüşdə Y.Axundova ifaçılıq
sənətinin incəlikləri ilə bağlı təcrübəsindən danışıb və gənc musiqiçilərə
tövsiyələrini çatdırıb.
Tədbir çərçivəsində, həmçinin gənc pianoçular Vurğun
Vəkilov və Əbdüləli Hüseynlinin iştirakı ilə konsert proqramı təqdim olunub.
Qeyd edək ki, layihə çərçivəsində digər sahələr üzrə
də tanınmış sənətkarların universitetdə ustad dərsləri keçməsi planlaşdırılır.
20:12 01.10.2025
Oxunuş sayı: 816
