Coğrafiya İnstutunun Elmi Şurasının iclası keçirilib
Baş direktor v.i.e dosent Zaur İmraninin sədrliyi ilə AR ETN-nin akademik H.Əliyev adına Coğrafiya İnstitutunun Elmi Şurasının iclası keçirilib.
Z.İmrani gündəlikdə duran məsələlərlə iştirakçıları tanış etdikdən sonra əməkdaşların işə davamiyyəti, əmək və icra intizamına nəzarətin gücləndirilməsi barədə bir daha əməkdaşları məlumatlandırıb. Nizam-intizamı mütəmadi olaraq pozan işçilərə güzəşt edilməyəcəyi haqda xəbərdarlıq edib.
İnstitutun hazırladığı “Ağdam inzibati rayonunun coğrafiyası: təbii şərait və sosial-iqtisadi inkişaf potensialı” kitabının siqnal nüsxəsi baxıldıqdan sonra onun müəyyən düzəlişlərlə çapa verilməsi qərara alınıb.
Təhsil şöbəsinin müdiri Müseyib Yunusov çıxışında dissertantların elmi mövzularının adlarının təsdiqində bəzi çətinliklərin olmasını diqqətə çatdırıb.
Qurunun hidrologiyası və su ehtiyatları şöbəsinin müdiri professor Rza Mahmudov “Coğrafiyanın müasir problemləri” kitabının çapa hazırlığının vəziyyəti haqqında məlumat verib.
Sonda Geoinformatika və kartoqrafiya şöbəsinin hazırladığı ümumtəhsil məktəblərinin 9-11-ci sinifləri üçün Coğrafiya atlasının çap edilməsi üçün nəşrə verilməsi müzakirədən sonra təsdiq edilib.
11:53 12.09.2025
Oxunuş sayı: 903
