Şəhid övladları Avstriyada yay düşərgəsində iştirak edirlər
“Zəfər” Şəhid Ailələrinə Dəstək İctimai Birliyi və Avstriya Azərbaycanlıları Cəmiyyətinin təşkilatçılığı, Azərbaycan Diasporuna Dəstək Fondu (ADDF), “Azərbaycan Hava Yolları” (AZAL) QSC və “Azərlotereya” ASC-nin tərəfdaşlığı ilə tələbə şəhid övladları üçün Avstriyanın Zalsburq və Vyana şəhərlərində keçirilən “Əmanətə Sədaqət” Yay Düşərgəsi davam etməkdədir.
Diasporlarla
İş üzrə Dövlət Komitəsindən Crossmedia.az-a verilən açıqlamaya görə 28 iyul – 2
avqust tarixlərində keçiriləcək düşərgədə yerli və xarici universitetlərdə təhsil
alan və yüksək akademik göstəricilərə malik 22 şəhid övladı iştirak edir.
Düşərgənin
ilk günündə Zalsburq Azərbaycan Evində açılış mərasimi keçirilib. Mərasimə
Avstriya və Sloveniyada yaşayan Azərbaycan diasporunun fəal üzvləri, eləcə də
Avstriyada fəaliyyət göstərən Türkiyə diasporunun nümayəndələri qatılıblar.
Qeyd
edək ki, düşərgə ərzində iştirakçılar karyera planlaması, şəxsi inkişaf,
liderlik və motivasiya mövzularında peşəkar təlimlərə qatılacaq, Avstriyanın
tarixi bölgələrinə səfərlər edəcəklər.
17:00 30.07.2025
Oxunuş sayı: 1311
